’YAN SIYASAR MARIGAYI HASHIDU SUN BAYYANA GOYON BAYANSU GA DR JAMIL GWAMNA

’Yan siyasar da suka yi aiki tare da marigayi Gwamnan farar hula na farko na Jihar Gombe, Alhaji Abubakar Habu Hashidu, sun bayyana goyon bayansu ga Dr Jamil Isyaku Gwamna kan kudirinsa na tsayawa takarar gwamnan Jihar Gombe a zaben 2027.

Satumba 22, 2026 - 18:24
0 9
’YAN SIYASAR MARIGAYI HASHIDU SUN BAYYANA GOYON BAYANSU GA DR JAMIL GWAMNA
’YAN SIYASAR MARIGAYI HASHIDU SUN BAYYANA GOYON BAYANSU GA DR JAMIL GWAMNA
’YAN SIYASAR MARIGAYI HASHIDU SUN BAYYANA GOYON BAYANSU GA DR JAMIL GWAMNA
’YAN SIYASAR MARIGAYI HASHIDU SUN BAYYANA GOYON BAYANSU GA DR JAMIL GWAMNA
’YAN SIYASAR MARIGAYI HASHIDU SUN BAYYANA GOYON BAYANSU GA DR JAMIL GWAMNA

SANARWAR MANEMA LABARAI
21 ga Satumba, 2026

’YAN SIYASAR MARIGAYI HASHIDU SUN BAYYANA GOYON BAYANSU GA DR JAMIL GWAMNA

’Yan siyasar da suka yi aiki tare da marigayi Gwamnan farar hula na farko na Jihar Gombe, Alhaji Abubakar Habu Hashidu, sun bayyana goyon bayansu ga Dr Jamil Isyaku Gwamna kan kudirinsa na tsayawa takarar gwamnan Jihar Gombe a zaben 2027.

Babban taron nuna goyon bayan ya hada fitattun ’yan siyasa daga bangaren marigayi gwamnan, ciki har da tsofaffin mambobin Majalisar Zartarwa ta Jihar Gombe, tsofaffin shugabannin jam’iyyar ANPP, tsofaffin kansiloli, tsofaffin ’yan Majalisar Dokokin Jihar Gombe da na Majalisar Wakilai ta Tarayya, tsofaffin masu rike da mukaman siyasa, da kuma tsofaffin shugabannin jam’iyya daga kananan hukumomi daban-daban na jihar.

An fara taron ne da yin shiru na tsawon minti daya domin girmama marigayi Alhaji Abubakar Habu Hashidu, inda mahalarta taron suka tuna da irin gudunmawar da ya bayar a matsayinsa na Gwamnan farar hula na farko na Jihar Gombe kuma jagoran siyasa.

Da suke jawabi a wajen taron, tsohon Sakataren Gwamnatin Jihar Gombe, Alhaji Daudu Abdussalam; tsohon Shugaban jam’iyyar ANPP, Alhaji Abba Sarkin Dabe; da tsohon Mataimakin Gwamna kuma Sanata, Joshua Lidani, sun waiwayi tafiyar siyasar da suka yi tare da marigayi gwamnan, tare da bayyana goyon bayansu ga kudirin Dr Jamil Gwamna na neman kujerar gwamnan jihar.

A nasa jawabin, Dr Jamil Gwamna ya nuna matukar godiya ga ’yan siyasar marigayi Hashidu, musamman tsofaffin mambobin majalisar zartarwa, shugabannin jam’iyya, tsofaffin masu rike da mukaman siyasa da sauran masu ruwa da tsaki. Ya bayyana goyon bayan da suka nuna masa a matsayin babban abin alfahari.

Ya tuna da muhimmiyar rawar da marigayi Gwamna Hashidu ya taka wajen shigar da shi harkokin gwamnati da siyasa, inda ya bayyana cewa Hashidu ne ya nada shi a matsayin Shugaban Hukumar Ruwa ta Jihar Gombe.

“Alhaji Hashidu ne ya fito da ni fili a siyasa lokacin da ya nada ni Shugaban Hukumar Ruwa ta Jihar Gombe. Har yanzu ina matukar godiya da wannan dama da kuma amincewar da ya nuna min,” in ji Gwamna.

Ya bayyana alakar da ke tsakaninsa da ’yan siyasar Hashidu a matsayin wadda aka gina tsawon shekaru bisa jagoranci da koyarwa, tarihi na bai daya, abota da kuma kudurin ganin ci gaban Jihar Gombe.

Dr Gwamna ya bukaci shugabannin siyasa da sauran masu ruwa da tsaki da su mayar da goyon bayan da suka nuna masa zuwa aikin wayar da kai da hada kan jama’a tun daga matakin kasa a fadin jihar.

“Ina kira gare ku baki daya da mu tashi tsaye mu hada kan jama’a domin samun nasararmu. Dole ne mu kai sakonmu ga al’umma tare da yin aiki kafada da kafada domin cimma burinmu na bai daya,” in ji shi.

Wannan goyon baya na daga cikin muhimman ganawa da tuntubar da Dr Jamil Gwamna ke yi da shugabanni da masu ruwa da tsaki a harkokin siyasa a fadin Jihar Gombe, yayin da ake ci gaba da tuntuba da hada kan jama’a gabanin zaben gwamna na shekarar 2027.

Sa hannu:
Ibrahim Sani Shawai
Mai Magana da Yawun Dr Jamil Isyaku Gwamna

Menene Ra'ayinka?

So So 0
Ƙin so Ƙin so 0
So So 0
Ban Dariya Ban Dariya 0
Mamaki Mamaki 0
Baƙin Ciki Baƙin Ciki 0
Fushi Fushi 0

Sharhohi (0)

User